![# Nepal Bank](https://blogger.googleusercontent.com/img/b/R29vZ2xl/AVvXsEjhZbdN8qmv73pOiyTl1YdvhNKC38a-xKRDOvT_bXW8DsCGLdkRCtyaMiim5MQ0Vzdeyz7U_FtrVeOYczILcDj4iH7I3PRq8ukj_8n7PqcC6kinVD6fMATGRISVhgYXiPQwp_D-VIhjkzME/s16000/NEPAL-BANK.jpg)
- बैंकिङ संसार
काठमाडौं । नेपाल बैंक लिमिटेडको वार्षिक साधारणसभा आगामी पुस २९ गते बस्ने भएको छ । बैंकले आफ्नो ६१औं वार्षिक साधारणसभा आगामी पुस २९ गते बस्ने भएको हो । बैंकको सभा सो दिन बिहान ११ बजे काठमाडौंको धर्मपथस्थित बैंकको प्रधान कार्यालयमा बस्न लागेको हो ।
सभाले सेयरधनीलाई १६ प्रतिशत लाभांश वितरण गर्ने सञ्चालक समितिको प्रस्तावलाई पारित गर्ने भएको छ । बैंकले गत आर्थिक वर्षको नाफाबाट सेयरधनीलाई १२ प्रतिशत बोनस र ४ प्रतिशत नगद लाभांश वितरण गर्ने प्रस्ताव गरेको हो ।
वार्षिक साधारणसभामा जाने प्रयोजनको लागि बैंकले आगामी पुस १६ गते बुक क्लोज गर्ने भएको छ । यस कारण पुस १४ गतेसम्म कायम सेयरधनीहरुले मात्र उक्त लाभांश पाउने र उक्त साधारणसभामा भाग लिन पनि पाउने भएछन् । बैंकले सभामा सहभागि गराउनको लागि जुम लिंक प्रदान गर्ने जानकारी गराएको छ ।