![# Rastriya Banijya Bank](https://blogger.googleusercontent.com/img/b/R29vZ2xl/AVvXsEg8Yo2KKSL_2gLc40Dh0xbelUuzJ6UWvJiIGqVnI_Bx6PIDH_rpGTB8bfoQJba2xXvCIoP6E_yRr_rcsghl-yCNtha5B4My_rzFzdeAD9Hgohrf4nuZUSfwoCQdVJ-tkL9mBKNXeIJn8nSN/s16000/rastriya-banijya-bank.jpg)
- बैंकिङ संसार
काठमाडौं । राष्ट्रिय वाणिज्य बैंकद्धारा नेपाल प्रहरी अस्पताललाई क्युआर कोड र पिआएस मेसिन हस्तान्तरण गरेको छ । बैंकले नेपाल प्रहरी अस्पतालको ३७औं वार्षिकोत्सवको अवसरमा क्युआर कोड र पिआएस मेसिन हस्तान्तरण गरेको हो । प्रहरी महानिरिक्षक शैलेस थापा क्षेत्रीको समुपस्थितिमा बैंकका प्रमुख कार्यकारी अधिकृत किरणकुमार श्रेष्ठले प्रहरी अतिरिक्त महानिरिक्षक एवं नेपाल प्रहरी अस्पतालकी मेडिकल डाइरेक्टर डा.आशा सिंहलाई उक्त समारोहमा बिहीबार क्युआर कोड र पिआएस मेसिन हस्तान्तरण गरेका हुन् ।
प्रहरी अस्पतालमा उपचार गर्न आउने सेवाग्राहीहरुले नगदको सट्टा विद्युतीय भुक्तानीका साधन क्युआर कोड र पिआएस मेसिनबाट भुक्तानी गर्न सक्ने भएका छन् । सो समारोहमा प्रहरी महानिरिक्षक शैलेस थापा क्षेत्रीले राष्ट्रिय वाणिज्य बैंकले यसअघि पनि मानवता सम्बन्धि पुनित कार्यमा रक्तसंचार केन्द्र निर्माण गर्न प्रहरी अस्पतालाई सहयोग गरेकोमा आभार व्यक्त गरे ।
बैंकका प्रमुख कार्यकारी अधिकृत किरणकुमार श्रेष्ठले आधुनिक बैंकिङ सेवा दिन बैंक संधै तत्पर रहेको र स्वास्थ्य उपचारको लागि सेवाग्राहीहरुले अब नगद बाकेर हिड्नु नपर्ने जानकारी दिए । कार्यकममा पूर्व प्रहरी महानिरिक्षकहरु, अस्पतालका पूर्व मेडिकल डाइरेक्टरहरु, उच्च प्रहरी अधिकृतहरु, बैंकका नायब प्रमुख कार्यकारी अधिकृत कबिराज अधिकारी, विभागीय प्रमुख सरोज बस्नेत, प्रहरी कर्मचारीहरु लगायतको उपस्थिति रहेको थियो ।