काठमाडौँ । एनआईसी एशिया बैंकले प्रधानमन्त्री दैवी प्रकोप राहत उद्दार कोषमा सहयोग गरेको छ । बैंकले २ करोड २१ लाख नगद सहयोग प्रदान गरेको हो ।
रसुवा जिल्लाको भोटेकोशी नदीमा आएको भीषण बाढीबाट प्रभावितहरुको लागि उद्दार तथा राहत वितरण गर्ने उद्देश्यले संस्थागत सामाजिक उत्तरदायित्व अन्तर्गत रु २ करोड र सञ्चालक तथा कर्मचारीहरुबाट जम्मा भएको रु २१ लाख गरेर प्रधानमन्त्री दैवी प्रकोप राहत उद्दार कोषमा रु २ करोड २१ लाख नगद सहयोग प्रदान गरेको छ ।
बैंकका अध्यक्ष अशोक कुमार अग्रवाल र सिइओ सुजित कुमार शाक्यले संयुक्त रुपमा अर्थमन्त्री डा.स्वर्णिम वाग्लेलाई भदौ ११ गते उक्त रकम बराबरको चेक हस्तान्तरण गरेका हुन् ।
भदौ १० गते विहान भोटेकोशी नदीमा आकस्मिक रुपमा आएको अकल्पनीय बाढीका कारण रसुवा, नुवाकोट, धादिङ्ग जिल्ला लगायतका क्षेत्रमा ठूलो मात्रामा भौतिक एवं मानवीय क्षतिमा राहत उपलब्ध गराउन उक्त रकम बैंकले उपलब्ध गराएको हो ।nic
