काठमाडौँ। बैंकको एसएमएस सम्झेर लिंक खोल्दा ३४ लाख ८० हजार रुपैयाँ ठगी भएको पाइएको छ। नेपाल प्रहरीको साइबर ब्युरोले सार्वजनिक गरेको विवरण अनुसार केही महिनायता बैंक तथा डिजिटल वालेट प्रयोगकर्तालाई लक्षित गर्दै ‘द अलर्ट’ जस्ता आधिकारिक देखिने एसएमएस पठाउने गिरोह सक्रिय भएको हो ।
सन्देशमा ‘तपाईंको खाता ब्लक भएको छ’, ‘केवाइसी अपडेट गर्नुहोस्’ वा ‘खाता प्रमाणीकरण गर्नुहोस्’ भन्दै लिंक पठाइन्थ्यो। धेरै सेवाग्राहीले बैंककै सन्देश ठानेर लिंक खोले, मोबाइल बैंकिङको युजरनेम, पासवर्ड र ओटिपी प्रविष्ट गरे। त्यसपछि ठगहरूले खातामा पहुँच प्राप्त गरी रकम विभिन्न बैंक खाता र डिजिटल वालेटमार्फत निकाल्ने गरेका थिए।
यसै प्रकृतिको घटनामा साइबर ब्युरोले ३४ लाख ८० हजार रुपैयाँ ठगी गरेको आरोपमा १३ जनाविरुद्ध मुद्दा दर्ता गरेको थियो। बैंकको नामबाट आएको जस्तो देखिने एसएमएसमा रहेको लिंकमा क्लिक नगर्नुहोस्। ओटिपी, पिन र पासवर्ड कसैलाई पनि नदिनुहोस्।
बजारमा हरेक दिन नयाँनयाँ खालका ठगीहरु देखिँदैछन्।
