काठमाडौँ। अदालतको फैसलापछि भागेका पैसा नभएको चेक काट्ने एक जना व्यक्ति पक्राउ परेका छन्। पक्राउ पर्नेमा दार्चुला महाकाली ४ घर भई हाल ललितपुरको महालक्ष्मी ८ बस्ने ६२ वर्षीय भिम प्रसाद निरौला रहेका छन् ।
बैंकिङ कसुर मुद्दामा २० लाख बिगो कायम भएका उनलाई काठमाडौं उपत्यका अपराध अनुसन्धान कार्यालयबाट खटिएको प्रहरीको टोलीले ललितपुर महालक्ष्मी ५ ईमाडोलबाट पक्राउ गरेको हो ।
उनीविरुद्ध काठमाडौं जिल्ला अदालतबाट मिति २०८१-११-१२ गते बिगो २० लाख सहित पक्राउ अनुमति प्राप्त भई सकेको प्रहरीले जनाएको छ । उनी जिल्ला प्रहरी परिसर ललितपुरमा २०८१ साल वैशाख २४ गते दर्ता भएको बैंकिङ कसुर मुद्दामा फरार रहेका थिए।
