काठमाडौँ। बैंक तथा वित्तीय संस्थाबाट कुल १९ लाख ४० हजार आठ सय ८८ जनाले विभिन्न स्तरमा ऋण लिएका छन्। १८ लाख ६९ हजार ७५ जनाले सबैभन्दा धेरै १ करोड रुपैयाँभन्दा कम ऋण लिएका छन्।
१ देखि २ करोड रुपैयाँ ऋण लिनेहरूको संख्या ३५ हजार चार सय ८८ रहेको छ। २ देखि ३ करोड ऋण लिनेहरू १२ हजार ४ सय ५२ जना छन् भने ३ देखि ५ करोड ऋण लिनेहरूको संख्या नै हजार ५ सय १० रहेको छ।
बढ्दो रकम अनुसार ऋणीहरूको संख्या घट्दै जान्छ। ५ देखि १० करोड ऋण लिनेहरू ६ हजार ७ सय १३ छन् भने १० देखि ५० करोड ऋण लिनेहरूको संख्या छ हजार २ सय ९९ रहेको छ।
यता ५० देखि १०० करोड ऋण लिनेहरू एक हजार ९ सय १६ मात्र छन् भने १०० करोडभन्दा माथिको ऋण लिनेहरू जम्मा ३ सय ८८ जना मात्रै रहेका छन्।
यस तथ्यांकले साना व्यवसायी र व्यक्तिगत ऋणीहरूको संख्या धेरै भए पनि कुल ऋणको ठूलो हिस्सा थोरै ठूला ऋणीहरूमा केन्द्रित भएको हुन सक्ने देखाउँछ। साथै, यसले वित्तीय पहुँच र आर्थिक शक्ति कसरी सिमित व्यक्तिहरूमा केन्द्रित छ भन्ने कुरा पनि देखाउँछ।
