काठमाडौँ । सिन्धु विकास बैंकले वित्तीय साक्षरता कार्यक्रम आयोजना गरेको छ। बैंकले वार्षिक कार्ययोजना तथा ग्लोबल मनी विक कार्यक्रम अन्तर्गत शाखा कार्यालय बनेपा तथा शाखा कार्यालय नारायणगढको आयोजनामा वित्तीय साक्षरता कार्यक्रम गरेको हो।
बैंकले चैत्र १० गते बनेपा काभ्रेमा अवस्थित श्री संकल्प क्याम्पस तथा भरतपुर लायन्सचोक अवस्थित श्री बालकुमारी कलेजमा वित्तीय साक्षरता कार्यक्रम आयोजना गरेको हो। त्यस्तै, श्री संकल्प क्याम्पसका स्नातक तहका जम्मा ६५ जना विद्यार्थीको उपस्थिति थियो भने श्री बालकुमारी कलेजका कक्षा ११ तथा १२ गरी ७० जना विद्यार्थीको उपस्थिति थियो ।
बैंकका तर्फबाट बचत, कर्जा, लगानी, खर्च, बजेट, वित्तीय सेवा लगायत डिजिटल बैंकिङ प्रणालीको उपयोग, चुनौती तथा सुरक्षा जस्ता विषयवस्तुहरूको बारेमा विद्यार्थीहरुलाई जानकारी गराइएको थियो ।
सिन्धु विकास बैंक लिमिटेड नेपाल राष्ट्र बैंकबाट ‘ख’ वर्गको इजाजतपत्र प्राप्त क्षेत्रीय विकास बैंक हो ।
