काठमाडौँ । ऋण लिएर घरजग्गा किन्नेहरु बढेका छन्। पछिल्लो समय बैंकहरुको ब्याजदर घटेसँगै कर्जा लिएर घर घडेरी किन्नेहरु पनि बढ्दै गएका हुन् ।
नेपाल राष्ट्र बैंकको तथ्यांकअनुसार चालु आर्थिक वर्षको माघ मसान्तसम्म २० वाणिज्य बैंकहरुले व्यक्तिगत घरकर्जामा ३ खर्ब १८ अर्ब ८४ करोड ५८ लाख रुपैयाँ प्रवाह गरेका छन् । जुन गत आर्थिक वर्षको सोही अवधीको तुलनामा ४.३६ प्रतिशतले बढी हो।
समीक्षा अवधिमा १२ वटा बैंकले व्यक्तिगत आवासीय घर कर्जा बढाएका छन् भने ८ वटा बैंकले व्यक्तिगत आवासीय घर कर्जा घटाएका छन् । यस अवधीमा सबैभन्दा धेरै कर्जा सिद्धार्थ बैंकले बढाएको छ भने सबैभन्दा धेरै कर्जा नेपाल बैंकले घटाएको छ ।
हाल बैंकहरुले व्यक्तिगत आवसीय घर कर्जामा २ करोडसम्म लगानी गर्न पाउने राष्ट्र बैंकले जनाएको छ।
