![# Civil Bank](https://blogger.googleusercontent.com/img/b/R29vZ2xl/AVvXsEitJOmTSPkBJzEw1GZ91RmhSF9Ls9rREfRK3heKRV_h7kp0EWaOs-wiWbIQQOXjVH_tfD7WAcPBxYk7SIx0AyZZYGb1NUTHc4psJkUbqYbOysDF14J9_F5hyp0GlSFiTl8_df-jF9xLc-cC/s16000/CIVIL-BANK.jpg)
- बैंकिङ संसार
काठमाडौं । सिभिल बैंक लिमिटेडले नगदरहित अभियानलाई निरन्तरता दिँदै विभिन्न व्यापारीहरुलाई क्युआर कोड वितरण गरेको छ । बैंकले धनगढीको दैनिक कृषि उपज हाट बजारका विभिन्न व्यापारीहरुलाई क्युआर कोड वितरण गरेको हो । सो कार्यक्रममा प्रमुख अतिथि नेपाल राष्ट्र बैंक धनगढीका प्रमुख निर्देशक सुवास चन्द्र घिमिरे, उक्त बजार व्यवस्थापन समितीका अध्यक्ष पदम बहादुर चन्द, सिभिल बैंकका सुदुरपश्चम प्रदेशका प्रमुख दिपक जोशी, शाखा प्रबन्धक संजोग भट्ट लगायत सो क्षेत्रका व्यवसायीहरु, गन्यमान्य ब्यक्ति तथा सर्वसाधरणको उपस्थिति रहेको थियो ।
सो कार्यक्रमको उद्घाटनमा बोल्दै प्रमुख अतिथि तथा नेपाल राष्ट्र बैंक धनगढीका प्रमुख निर्देशक सुवास चन्द्र घिमिरेले हाल विद्यमान कोरोनाको महामारीमा आफूलाई जोगाउन मात्र नभई नोट छपाई गर्दा खर्च हुने तथा विदेशीने मुद्रा बचाउन र सबै नेपालीको बैंक खाता भन्ने अभियानलाई समेत आत्मसात गर्न पनि नगदरहित अभियान अपरीहार्य कुरा भएको बताए । बैंकले आलसम्म ५ लाखभन्दा बढी ग्राहकहरुलाई १ सय १४ शाखाहरु तथा ७ एक्सटेन्सन काउन्टरमार्फत आफ्ना सेवाग्राहीहरुलाई बैंकिङ सेवा प्रदान गर्दै आईरहेको छ ।