![# Prabhu Bank](https://blogger.googleusercontent.com/img/b/R29vZ2xl/AVvXsEjDAfH_WudIqbQXNTEMx3k-txA8Kx6Ve-k1guZfYctrk-BxyZ5Voph0LPjs_mxq_V_PEPrO0XNHDLQxh_S9xon9ItINqxOO5z4Pr8Kdc9XmbAkGPbbxg9CD3PklDyBAwbxQYSaweYGV-2dh/s16000/prabhu-bank.jpg)
- बैंकिङ संसार
जुम्ला । प्रभु बैंक लिमिटेडले शाखा कार्यलय संचालनमा ल्याएको छ । बैंकले मिति २०७७/११/१० देखि जुम्ला जिल्लाको चन्दननाथ नगरपालिका वडा नं. ०६ मा आफ्नो २१३औं शाखा खोली सञ्चालनमा ल्याएको हो । बैंकको जुम्लामा शाखा कार्यालय को समुद्घाटन गर्दै प्रमुख अतिथी चन्दननाथन गरपालिका मेयर कान्तीका सेजुवालले प्रभु बैंकले आफ्नो बैंकको व्यावसायिक सञ्जाल विस्तार गर्दै बैंकिङ पहुँच नपुगेको ठाउँहरुमा आफ्नो शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहजरुपमा बैंकिङ सेवा विस्तार गरी प्रशंसनीय कार्य गरेको तथा प्रभु बैंकको यो अभियानले देशभरिनै बैंकिङ पहुँचमा वृद्धि भएको मात्र नभई समग्र देशको आर्थिक विकासमा सकारात्मक टेवा पुगेको बताउदै बैंकलाई सफलताको शुभकामना व्यक्त गरेकी छिन् ।
बैंकको जुम्ला शाखा कार्यालयबाट प्रभु बैंकको गुणस्तरीय एवं अत्याधुनिक प्रविधियुक्त बैंकिङ सेवा प्रवाह हुने भएकोले यहाँका स्थानीय बासिन्दा, सर्वसाधारणहरु, व्यवसायिक फर्म, कम्पनी तथा संघ संस्थाहरुले प्रभु बैंकको गुणस्तरीय सेवा उपभोग गरी लाभान्वित हुने र स्थानीय सर्वसाधारणमा बैंकिङ बानीको विकासमा अभिवृद्घि भई स्थानीय स्तरको सम्पुर्ण आर्थिक कारोबार बैंकिङ प्राणालीमा प्रवेश गर्नुका साथै यस क्षेत्रको समग्र आर्थिक उन्नतीमा जुम्ला शाखा कार्यालयले महत्वपूर्ण भूमिका निर्वाह गर्ने विश्वास बैंकले लिएको छ ।