काठमाडौँ। सरकारले आगामी आर्थिक वर्षमा ‘नियो बैंक’ स्थापना गर्ने घोषणा गरेको छ। अर्थमन्त्री विष्णुप्रसाद पौडेलले आगामी आर्थिक वर्षको बजेटमार्फत ‘नियो बैंक’ स्थापना गर्ने घोषणा गरेका हुन्।
उनले भने, ‘आर्थिक वर्ष २०८२-८३ भित्र नियो बैंक स्थापना गरिनेछ।’
अर्थमन्त्री पौडेलले दुर्गम क्षेत्रमा वित्तीय संस्थाको पहुँच विस्तार गरी ग्रामिण अर्थतन्त्रको विस्तार गरिने उल्लेख गरेका छन् ।
