लक्ष्मी बैंकको साधारण सभा आज हुँदै, के–के छन् पेश हुने एजेन्डाहरु ?

सोमबार, २८ माघ २०७५    बैंकिङ संसार सम्बाददाता



लक्ष्मी बैंकको साधारण सभा आज हुँदै, के–के छन् पेश हुने एजेन्डाहरु ?

काठमाडौं - लक्ष्मी बैंक लिमिटेडको वार्षिक साधारण सभा आज दिउँसो २ बजे सुरु हुने भएको छ । साधारण सभा अग्रवाल भवन, कमलपोखरी काठमाडौंमा बस्ने भएको छ । सभामा बैंकले ८.५० प्रतिशत बोनस सेयर दिने प्रस्ताव लैजाने भएको छ । साधारण सभाका लागि बैंकले माघ १४ गतेदेखि बुक क्लोज गरेको छ । जसमा माघ १३ गतेसम्म कायम सेयरधनीले उक्त लाभांश पाउनेछन् । बैंकले बोनसमा लाग्ने कर तिर्न ०.४५ प्रतिशत नगद लाभांश पनि दिनेछ । 

यस्तै बैंकले अन्य बैंक तथा वित्तीय संस्थासँग मर्जर वा एक्विजिसन प्रक्रियामा जानुपरेमा त्यसको सम्पूर्ण अधिकार सम्चालक समितिलाई दिने प्रस्ताव पेश हुनेछ । अन्य संस्थाहरुको सेयर तथा डिबेन्चर निष्कासनका लागि अन्डरराइट गर्ने उद्देश्य प्रबन्धपत्रमा थप गर्ने प्रस्ताव पनि पेश हुनेछ । लक्ष्मीले आफैं वा सहायक कम्पनी खोलेर जीवन तथा निर्जीवन बिमा, पुनर्बिमा, भेन्चर क्यापिटल, हेज फन्ड, क्रेडिट रेटिङ, सेयर दलाल तथा स्टक एक्सचेन्जको काम गर्ने प्रस्ताव पनि साधारण सभामा लैजाँदैछ । 

लक्ष्मी बैंकको हाल चुक्ता पुँजी ८ अर्ब २२ करोड १६ लाख ६७ हजार रुपैयाँ छ । ८।५०५ बोनस वितरणपछि पुँजी ८ अर्ब ९२ करोड ५ लाख ८ हजार रुपैयाँ पुग्नेछ ।


Tags : #Laxmi Bank

प्रतिकृया दिनुहोस